Monday, 20 June 2016

Surah Yaseen ka Wazifa


Surah yaseen sharif ko qur,an ka dil kaha gaya hain.aur bepanah faaeday ka hamil hain.har tarha ki haajat rawayi eski tilawat se hoti hain.aur khas esay parhnay se ALLAH taala bahot razi hota hain.ahadis me eskay bahot fawaaed aaye hain.



darmi sharif ki hadis hain ki jo aadmi din k shuru me surah e yaseen pahaega uski tamaam zarooriat puri kar di jaegi.

hazrat ibn abbas radiallahu anho se rivayat hain ki NABI E KAREEM sallallahu alayhi w sallam ne farmaya ki meri tamanna hain ki ye surah(yaseen) har ummati k dil me hoti.
yaseen shrif parhnay se din duniya ki bhalayiya naseeb hoti hain.

agar koi shakhs surah e yaseen ko fajr ki namaz k b,ad ek martba parhnay ka mamool banalay to wo bahot jald logo me har dil azeez ho jaen.uski izzat me bepanah ezafa ho.har tarha ki burayi khatm ho jaen aur tabiyat acchayi ki tarf maael ho.shaitan se mahfooz ho,bala se door ho,bimariyon se shifa ho,nek aulad hogi.qaidy kasrat se parhay to rihayi naseeb ho,

garz ki yaseen sharif ki tilawat se har aarzoo puri hoti hain.

mere pas yaseen k kai aamal hain aur aazmuda hain.aur mainay bahut se kaam liye ya karwaye aur kamyabi mili hain,ek baat ki yaseen sharif k muakkilin bahot hi shareef hain aur yaseen k parhnay walon se muhbbat kartay hain,par rijjat bhi jald kartay hain.par usay jo jo yasen shareef ko mamool se nikal detay hain.agar aap yaseen sharif ki tilawat muhbbat se karaengay to eskay muaakilin aapko gaaiban madad kartay hain.aur aapkay geerd ek bahot hi behtarin khushboo mahsoos hoti hain jo duniya ki koi khushboo uska muqabla nahi kar sakti.par ye 5-6mahinay me nahi hota bahot saal b,ad aapko mahsoos hoga.ha,agar saaf din insan hain to wo jald dost banjata hain. ab main yahan ek tareeqa yaseen sharif ka likhta hun jissay aap pe yaseen sharif ka faiz jary ho jaen.

TARKEEB :

B,roz nauchandi jumeraat ko ek pyalay me sarbat le aur ALLAH ki khusnoodi ki garz se khub muhabbat w eksui se 70 martba yaseen sharif parhay.aur phir sarbat pe dam karkay pilay.inshallah ab aap yaseen sharif k amil hain,ab jo bhi aap yaseen shrif k amal karaengay usmay asar aaega.

ab rozana b,ad e fajr w isha 1-1 martba yaseen sharif parhnay ka mamool banalay.
amal din me kisi bhi waqt karlay agar ek nashist me 70 martba parhlay to behatar hain,warna chand nashisht me pura karlay.jisay zabani yad hain uskay liye mushkil nahi.
ba,wuzu khushbu laga kar khushbudar agarbatti jalakar parhay.

Ab main yahan kuch part me yaseen sharif ki har aayat k amal likhna shuru kar raha hun.taki aapko us ek ek aayat se faeda hasil karnay ki tarkeeb maloom ho jaen.es surah me 83 aayat hain aur har aayat ka me kuch parts me alag alag amaliyat likhna chahta hun.ummid hain aap meri es mahnat ko pasand farmaengay aur khud ka aur dusron ka bhala karaengay.

aur ek bat khas bata dun ki aaj kal chor ki tabiyat k malik kuch log aisy tahreer chura kar apnay naam se post kardaytay hain aur logon ko dhoka detay hain aur log bhi ajib hain ki kuch janay bagair ki wo kaun hain kis tarha ka insan hain.babaji ustadji hazratji k ilqab detay huvay ijazat mangraha hain to koi daman tham raha hain.aur koi izzat to koi rupya barbad kar raha hain.main khud bhi kaun hun aap mujay bhi kaha jantay hain.main bhi kahta hun mera samarali ka bhi yaqeen na karay.bas koi amal acha lagay to uspay amal karay.meray blog k kisi amal k liye ijazat laynay ki zarorat nahi jo reader karna chahay be khauf kr sakta hain.ye main bar bar kah chuka hun.phir bhi ijazat k naam pe mail msg kartay hain.kuch log pichay parh jatay hain ki ye bataon wo bataon aur jab jawab nahi diya jata to kahtay hain ki blog kyu likhtay ho? 

bhai ye blog mainay aam musalmano ki bhalayi k liye likha hain.koi kisi ko amil kamil bananay k liye nahi likha hain.mera bhi khud ka karobar hain aur meri family hain meri zimmedariya hain usmay se waqt nikal kar bhi main meray murshid k mission ko anjam de raha hun.koi ek banda bhi apni mushkilat ka hal es koshish k sabb hasil karlay to meri mahnat kamyab samjta hun.

aur sab se aham baat ki ilm rohaniyat sikhnay ka jazba aapko bad deeno sifligaro ka pairo kaar na banaday.hamzad hasil na ho na sahih muakkal hasil na ho na sahi.bagari maangay Rabb e qadir ne jo imaan ki daulat di hain wo aakhri waqt tak sambhal jaen to kaafi hain.
Ab main surah e yaseen sharif ki aayat k amaliyat likh raha hun.......


#1.يس Yaseen

es aayat ko chaltay phirtay kasrat se parhtay rahnay se gunah muaf hotay hain aur islah e batin hoti hain.


#2. وَالْقُرْآنِ الْحَكِيمِ Waalqurani alhakeemi
rozana 100 martba wird me rakhnay se neamat me izafa hota hain.


#3.إِنَّكَ لَمِنَ الْمُرْسَلِينَ  Innaka lamina almursaleena
kisi diwanay ya jinn aseb k mariz pe 1000 martba parh kar pani pe dam karkay pilatay rahnay se shifa w nijat hoti hain.


#4.عَلَى صِرَاطٍ مُّسْتَقِيمٍ Aala siratin mustaqeem
Rab ki khushi k liye aur naraz dost ko razi karnay k liye 100 martba fajr k bad parha karay.


#5.تَنزِيلَ الْعَزِيزِ الرَّحِيمِ Tanzeela alAAazeezi alrraheem
shaitani waswasy ko dur karnay fajr ki namaz k bad jab tak dil lagay wird kiya karay.


#6.لِتُنذِرَ قَوْمًا مَّا أُنذِرَ آبَاؤُهُمْ فَهُمْ غَافِلُونَ Litunzira qawman ma onzira abaohum fahum ghafiloon.
khauf dushman ho zalim ka ho to likh kar pack karkay apnay pas rakhay.


#7. لَقَدْ حَقَّ الْقَوْلُ عَلَى أَكْثَرِهِمْ فَهُمْ لَا يُؤْمِنُونَ  Laqad haqqa alqawlu Aala aksarihim fahum la yuminoona.
kisi tanha makaam pe ya jahan khauf mahsoos ho wahan 100 martba wird karnay se aman rahta hain.


#8.إِنَّا جَعَلْنَا فِي أَعْنَاقِهِمْ أَغْلاَلاً فَهِيَ إِلَى الأَذْقَانِ فَهُم مُّقْمَحُونَ Inna jaAalna fee aAnaqihim aghlalan fahiya ila alazqani fahum muqmahoon
es aayat ko naginay pe kunda karwa kar sidhay hath ki choti ungli me pahnay to taskheer khas ho aam ho logon me maqbuliyat ho.


#9.وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لاَ يُبْصِرُونَ WajaAalna min bayni aydeehim saddan wamin khalfihim saddan faaghshaynahum fahum la yubsiroon.

zalim dushman se nijat k liye dushman k naam k huroof ki tadad k barabar sufaid mirch pe usi tadad me es aayat ko parh kar aag me dal diya karay.kuch din k amal se dushman parayshan karna band kardaega ya khud parayshani ka shikar ho jaega.


#10. وَسَوَاء عَلَيْهِمْ أَأَنذَرْتَهُمْ أَمْ لَمْ تُنذِرْهُمْ لاَ يُؤْمِنُونَ Wasawaon AAalayhim aanzartahum am lam tunzirhum la yuminoon

koi mard kisi aurat se najaez taloqat rakhta ho to es aayat ko ek martba parh kar aasmani rang k dhagay pe ek girah de aur kahay ki ya Allah tere es qalam ki barkat se fulan bin fulan w fulan binte fulan me judayi karday.es tarha 8 girah laga kar dhagay ko kisi purani qabr me dafan karday kuch dino me dono me judayi ho jaegi.


#11.إِنَّمَا تُنذِرُ مَنِ اتَّبَعَ الذِّكْرَ وَخَشِيَ الرَّحْمَن بِالْغَيْبِ فَبَشِّرْهُ بِمَغْفِرَةٍ وَأَجْرٍ كَرِيمٍ Innama tunziru mani ittabaAAa alzzikra wakhashiya alrrahmana bialghaybi fabashshirhu bimaghfiratin waajrin kareem.

jisay nind na aati ho to kisi purani qabr ki mitti uthaye aur es aayat ko 100 martba parh kar us mitti pe dam kakray aur 7 martba apnay sar se utar kar phir wo qabr pe mitti rakhday jahan se uthayi hain.nind na aanay ki shikayat dur ho jaegi.


#12. إِنَّا نَحْنُ نُحْيِي الْمَوْتَى وَنَكْتُبُ مَا قَدَّمُوا وَآثَارَهُمْ وَكُلَّ شَيْءٍ أحْصَيْنَاهُ فِي إِمَامٍ مُبِينٍ  Inna nahnu nuhyee almawta wanaktubu ma qaddamoo waasarahum wakulla shayin ahsaynahu fee imamin mubeen.

haakim,w barhay afsaron ki taskheer k liye es aayat ko zafran w mushq se likh kar apnay pas rakha jaen.


#13.وَاضْرِبْ لَهُم مَّثَلاً أَصْحَابَ الْقَرْيَةِ إِذْ جَاءهَا الْمُرْسَلُونَ Waidrib lahum masalan ashaba alqaryati iz jaaha almursaloon.
jo log badnasibi ki shikayat kartay hain wo es aayat ko rozana arq gulab w zafran se tastari pe likh kar subah pi liya karay,nahosat w badnasibi jati rahaegi.


#14.إِذْ أَرْسَلْنَا إِلَيْهِمُ اثْنَيْنِ فَكَذَّبُوهُمَا فَعَزَّزْنَا بِثَالِثٍ فَقَالُوا إِنَّا إِلَيْكُم مُّرْسَلُونَ  Iz arsalna ilayhimu isnayni fakazzaboohuma faAAazzazna bisalisin faqaloo inna ilaykum mursaloon.
chechak k mariz ko likh kar bandhnay se shifa hasil ho.


#15.قَالُوا مَا أَنتُمْ إِلاَّ بَشَرٌ مِّثْلُنَا وَمَا أَنزَلَ الرَّحْمن مِن شَيْءٍ إِنْ أَنتُمْ إِلاَّ تَكْذِبُونَ  Qaloo ma antum illa basharun misluna wama anzala alrrahmanu min shayin in antum illa takziboon.
aankh dukhti ho ya aankh uthi ho to zafran se likh kar galay me pahnay to shifa ho.


#16.قَالُوا رَبُّنَا يَعْلَمُ إِنَّا إِلَيْكُمْ لَمُرْسَلُونَ  Qaloo rabbuna yaAAlamu inna ilaykum lamursaloon.
galay[throat] ki tamaam bimariyo k liye likh kar galay me pahna jaen.


#17. وَمَا عَلَيْنَا إِلاَّ الْبَلاَغُ الْمُبِينُ  Wama AAalayna illa albalaghu almubeen.
dushmani ko khatm karnay k liye kamzor likh kar apanay pas rakhay.


#18.قَالُوا إِنَّا تَطَيَّرْنَا بِكُمْ لَئِن لَّمْ تَنتَهُوا لَنَرْجُمَنَّكُمْ وَلَيَمَسَّنَّكُم مِّنَّا عَذَابٌ أَلِيمٌ  Qaloo inna tatayyarna bikum lain lam tantahoo lanarjumannakum walayamassannakum minna AAazabun aleem.
shareer janwar ko kabu karnay k liye zard[yellow] kagaz pe likh kar uskay galay me pahnaya jaen.


#19.قَالُوا طَائِرُكُمْ مَعَكُمْ أَئِن ذُكِّرْتُم بَلْ أَنتُمْ قَوْمٌ مُّسْرِفُونَ  Qaloo tairukum maAAakum ain zukkirtum bal antum qawmun musrifoon.
hamela ko dard e jah uthay to us waqt esay likh kar mom jama karkay bazu pe bandhay to aasani se bacha paida ho jaen.aur 100 martba parh kar bhi pani dam karkay pila diya jaen.


#20.وَجَاء مِنْ أَقْصَى الْمَدِينَةِ رَجُلٌ يَسْعَى قَالَ يَا قَوْمِ اتَّبِعُوا الْمُرْسَلِينَ  Wajaa min aqsa almadeenati rajulun yasAAa qala ya qawmi ittabiAAoo almursaleen
baanz aurat esay zafran w mushq se likh kar apnay bazu ya galay me pahnay to khuda aulad inayat karaega.


#21.اتَّبِعُوا مَن لاَّ يَسْأَلُكُمْ أَجْرًا وَهُم مُّهْتَدُونَ  IttabiAAoo man la yasalukum ajran wahum muhtadoon.
jis aurat ko do larhkiya ho aur wo ab beta talab karna chahti ho to roza rakhay aur es aayat ko zafran w arq gulab se likh kar galay me ya bazu pe momjama karkay pahnay to insha Allah agli aulad beta hoga.


#22.وَمَا لِي لاَ أَعْبُدُ الَّذِي فَطَرَنِي وَإِلَيْهِ تُرْجَعُونَ  Wama liya la aAAbudu allazee fataranee wailayhi turjaAAoon.
jis aurat ka bacha abhi dudh pi raha hain aur naya hamal nahi rakhna chahtay hain to es aayat ko likh kar galay me pahnay to Hamal nahi thaherta.aayt k liye aurat ka naam m,walida likh de.


#23.أَأَتَّخِذُ مِن دُونِهِ آلِهَةً إِن يُرِدْنِ الرَّحْمَن بِضُرٍّ لاَّ تُغْنِ عَنِّي شَفَاعَتُهُمْ شَيْئًا وَلاَ يُنقِذُونِ  Aattakhizu min doonihi alihatan in yuridni alrrahmanu bidurrin la tughni AAannee shafaAAatuhum shayan wala yunqizoon.
kisi bhi bimari se shifa k liye es aayat ko zafran w arq gulab se kagaz pe likh kar usay rat ko ek glass pani me dal kar rakh de aur subah nihar munh ye hi pani bismillah bol kar piliya karay,3 din es tarha amal karnay se bimari se shifa hasil hogi.


#24.إِنِّي إِذًا لَّفِي ضَلاَلٍ مُّبِينٍ Innee izan lafee dalalin mubeen.

jis aurat ki aulad paida hotay hi mar jati ho wo pahlay achhay se gusal karay aur phir es aayat ko kisi hafiz qari se 1000 martba parhwa kar pahlay bhar pet pani pilya itna piye ki uskay bad ek ghunt bhi na pi ja sakay utna pet bhar jaen.phir kuch pani jo pahlay hi usmay se alag karlay usay dusray pak pani me mila kar ussay dubara gusl karay.gusal ya to zamin me gadha khod kar karay ya phir kisi barhay tab me karay ki pani kisi gandi jagah na jaen.gusal k bad wo pani kisi jagah dafan krday insha Allah es amal se aaenda uski aulad hayyat rahegi.


#25.إِنِّي آمَنتُ بِرَبِّكُمْ فَاسْمَعُونِ  Innee amantu birabbikum faismaAAoon.
bukhar dur karnay k liye es aayat ko har girah pe ek martba parhay aisay 12 girah laga kar galay me pahnaye insha Allah bukhar dur ho jaega.

aagay ki aayaat w amaliyat nxt part 2 me insha Allah.

Qarz ki Adaigi ka Wazifa


Qarz jaisay marz k liye essay pahlay main ek do amal meray blog me likh chuka hun.ye amal Ahaadis me aaya hain es amal ka asar yaqini hain.aur jo bhi meray bhai ya bahan qarz ki aafat me mubtila hain es amal ko puray qakin se karay.insha Allah zaroor zaroor najat milaegi aur aaenda kabhi qarz k marz me mubtila nahi hongay.



Kuch dost qarz me mubtila hotay hain aur wo mujsay es masalay k liye koi taskheer arwah ka amal mangtay hain taki usay hasil karkay wo apnay mas’alay suljalay.lekin jab fikr e mash ho to aisay aamal kamyab nahi hota aur aaj k daur me ek chillay me aisay aamal me kamyab hona na mumkin sa hain esliye bahtar to ye hi hain ki sab se pahlay apnay aap ko sunnat w shariyat k paband bana liya jaen.rizq halal ki koshish me rahay.gibat juth kinna,hasad,bad nigahi jaisay gunaho se dur rahnay ki koshish kartay rahay.rozana durood e pak aur astagfaar ki aaadat banalay aur sab se barhi bat hain ki Allah taala se na ummid na ho.

kyu k mujay kai mails aur msg aisay hotay hain jismay saaf Allah se na ummidi zahir hoti hain.duniya ko hamaray nabi e pak sallallahu alayhi w sallam ne Jail qaraar diya hain.to Jail ya qaid me bhi kabhi Rahat hoti hain? Aur agar kuch Rahat hain bhi to ye Kitni barhi neamat hain? Ham jis maqsad k liye bhejay gaye hain usay yad Rakhay aur kana’at paida karay.Allah ka shukr ada kartay rahay.insha Allah jail me qaid me bhi rahat milti jaegi.aur duniya ka koi bhi insan ho uski zindgi me khushi kam gham ziada hi milaegay.kyu? to takhlik e aadam k waqiye ka muta’ala kar lijye samj aajaega.

Khair sab se pahlay to Allah Rabbul izzat ki bargah me apnay Habib sallallahu alayhi w sallam aur unki Aal w Aulad aur Sahaba e ikram k tufayl dil se dua hain ki Agar meri choti si dag dag jaoli me kuch nekiya bhi hain jo kabil e kabool hain to meray tamaam Ashiq e Rasool bhai aur bahan ko qarz ki bala se nijat ata karay aur iman w izzat ki hifazat ata karay aameen…ya Rabbul aalmeen…bi jahin nabi a kareem…!

Urooj mah me yani chand 1 se 14 k darmiyan kisi bhi jumerat se ye amal shuru karna hain.
Isha ki namaz k bad gusal karkay pak kapday pahan kar khushbu laga kar kisi goshay e tanhayi  me chahay ghar me kamray k kisi konay me ya masjid me kisi konay me do rakat namaz hajat ada e qarz ki niyyat se parhay.har rakat me su.fateha k bad su.ikhlas 3 martba parhay.

Uskay bad 11 martba durood e pak[agar durood e tunajjina sharif parhay to behtar] parhay aur phir zail ki dua ko 200 martba parhay….


اللَّهُمَّ اكْفِنِي بِحَلَالِكَ عَنْ حَرَامِكَ وَأَغْنِنِي بِفَضْلِكَ عَمَّنْ سِوَاكْ
Allahumma Akfini Bi Halalika 'An Haramika Wa Aghnini Bi Fadlika 'Amman Siwak.

Phir 11 martba durood e pak parhay.

Pahlay din jis waqt shuru kiya tha usi waqt pe phir rozana parha karay.ab rozana amal se gusl karnay ki ya namaz e hajat ki zaroorat nahi.lekin parhezgari ki zindgi guzara karay yani gunah se bachay shariyat ki pabandi ki koshish me rahay.amal k bad Allah ki bargah me gidgida kar dua manga karay.40 din ka ek chilla hain.insha Allah 40 din me aapka qarz ada ho jaega ya kam se kam uskay ada honay ka koi zariya Allah paida kar dega.aur agar dusra chilla karaengay to qarz ada ho kar maal me khair o barkat paida ho jaegi rizq me barkat hogi ki tangdast na rahengay aur agar 3ra chilla bhi karengay to insha Allah aap dusro ki madad k kabil rahaengay aur rozana ta zindgi parhtay rahaengay to kabhi mohtaj na hongay.

Durood e Tunajjina Sharif ye hain…..

ALLAHUMMA SALLI ALA SAYYIDINA WA MAULANA MUHAMMADIW WA ALA AALI SAYYIDINA WA MAULANA MUHAMMADIN SALAATAN TUNAJJINA BIHA MIN JAMI'IL AHWAALI WAL'AFAATI WA TAQDILANA BIHA MIN JAMI'IL HAAJAATI WATU TAHIRUNA BIHA MIN JAMI'IS SAYYI AATI WATAR FA'UNA BI HAA A'LAD DARAJAATI WATU BAL LIGHUNA BIHA AQSAL GHAAYAATI MIN JAMI'IL KHAIRAATI FIL HAYAATI WABA'DAL MAMAATI INNAKA ALA KULLI SHAY IN QADEER.

Rizq Main Bandish ka ilaj


Bandish ka tor karna aasan nahi kyu k bandish kai tarha se lagayi jati hain.lekin Qalaam e elahi k aagay sab kuch haich hain aur duniya ki koi rohani taqt Qalaam e elahi ki taqt ka samna karnay ki quwaat nahi rakhti.

Aaj main Allah taala k Qalaam se ek choti si aayat e mubarika jo surah e A'la ki 14v aayat hain uska ek asardar naqsh pesh kar raha hun.jissay kisi bhi tarha ki bandish jo ghar par ho dukaan pe ho ya rozgaar pe ho dur ho jaegi.


قَدْ أَفْلَحَ مَن تَزَكَّى 
Qad aflaha man tazakka 

Aap naya chand nazar aanay se lekar 15 chand k andar jo bhi jumeraat aaen usmay kisi bhi jumerat ko tuloo aftab(SunRise) k ek ghantay k andar barhay huroof se Sabz siahi (green color) se sufaid kagaz pe likhlay ya kisi jannay walay se likhwa lay.aisay do naqsh likhna hain.ek aapko frame karwakay ya leminate karwa k dukaan hain to dukaan me aisay makaam par rakhay ki aanay walay ki nazar uspay parhay.dusra naqsh aap gallay me ya kisi rupay rakhnay ki jagah me rakhday.

ghar me bhi aisay hi karay ki ek naqsh frame karwa kar rakhay aur ek naqsh rupay rakhnay ki jagah pe rakhday. aur sath me upar likhi aayat jiska ye naqsh hain usay subah w sham 100-100 martba 11-11 durood e pak k sath wird kiya karay.essay ye faeda hoga ki ghar pe ya dukan pe ya rozgaar pe bandish hain wo dur ho jaegi aur wird se aap par ya ghar par ya rozgar par dubara bandish nahi lagaegi,aap mahfooz rahaengay.

***dukaan k elawa kisi ko khud ki rozgar ki bandish ka shuba ho wo ek naqsh apnay pas rakhay.naqsh ko har jumerat khushbodar agarbatti ka bakhoor ya itr lagaya karay.aur kapday se frame ko saaf kiya karay.

Roohani Quwwat ko Bedar Krna


Aksar readers mujay roohaniyat ko bedar karanay ya paida karnay ka amal likhnay ko kahtay hain.main mukhtalif tareeqay janta hun kuch unmay se usay bata deta hun.ab kartay hongay ya nahi wo to wo khud hi jaanay.

Noorani amaliyat k liye zaroori hain ki gunah se dur raha jaen aur jisay chotay gunah ham samjtay hain ya ye samjtay hain ki ye gunah hain hi nahi.us gunah se bhi  dur rahay jaisay juth bolna,juth zuban ki taseer ko batil kar deti hain.aur gunah qalb ko siah.phir roshni kahan se nazar aaegi?

Meray blog se aksar log jo lootaray hain wo post chori kar apnay naam se laga kar logon ko dhoka de kar unsay paisay wasool kartay hain.esliye mera ab bahot hi kam blog pe likhnay ko dil karta hain.Allah ka gazab aur gaibi maar hun logon pe jo musibatzadaon ka faaeda uthatay hain.eska ek elaj hain ki aap blog ki post ko google+ aur facebook pe ziada share kiya karay.

Agar aap kuch hasil karna chahtay hain to yahan ek tareeqa likh raha hun jissay aapko bahot faeda hoga mujay bhi huva tha aur esliye hi aapko bata raha hun.

Parhez aur jismay koi khatra jaan ka ho wo amal main ziadatar nahi likhta.aur koshish ye hi karta hun ki aasan aur sahal amaliyat likhu jissay logon ko jald faeda hasil ho.lekin aaj kal log aisay amal ko dar kinar kardatay hain jo aasan ho.har koi ek din me jinn pary hamzad hasil karna chahta hain.main aisay meray dosto ko mashwarah dunga ki wo pahlay aisy arwah ko samjnay ki koshish karay,aur  jiskay baray me internet ki duniya me dhero reseach aur books article milaengay.phir sochay ki kya ye makhlooq aisay taskheer ho jaegi?jaisay aap soch rahay hain ya koi aapko amal de raha hain ki 3 din me karlo ya 11 din me karlo?

Aaj jo bata raha hun wo yun samjay ki pahla sabaq hain roohaniyat ka.
Aap gunah se dur rahay aur istagfar ki kasrat karay.

Aur jo maqsad hain aaj ka tareeqa likhnay ka wo ye hain ki aap rozana istkhara ko apnalay.
Yani rozana istkhara kartay rahay.koi bhi istkhara kar saktay hain.jo bhi aapko aasan lagta ho.rozana rat ko wo parh kar koi ek sawal ka jawab hasil karnay ki garz se karay jo apkay liye kuch maenay bhi rakhta ho wo sawal k liye istkhara karay.jab tak uska jawab khwab me na milay usay kartay rahay.jab mil jaen to dusra maqsad lay aur uskay liye istkhara karna shuru karday.aisay rozana istkhara kartay rahay.

Istkhara me koi parhez nahi koi khatra nahi koi khauf nahi aur na koi nuqsan hain bas faeda hi faeda hain.

Istkharay me kuch aadab hotay hain wo ye ki pak saf bawuzu ho kar parhay.pak bistar pe mumkin ho to chatayi jo pak saf ho uspay tanha laytay.ye zaroori nahi ki kamra me aap hi tanha ho bas aap bistar pe tanha ho.badan pe khushbu lagayi jaen.aur qibla rukh ho kar soye.ya kuch istkharay me jo hidayat ho uskay mutabiq rukh rakha jaen.

Agar namaz k aadi hain to do rakaat nafil istkhara ki niyyat se bhi kar saktay hain.bas ek hi istkhara rozana na kiya karay jo aapko aasan lagta ho.insha Allah eska faeda aapko kuch dino bad khud nazar aaega.aur Allah k hukm se meray murshid Aulad e Gaus k sadqay tufayl se aapko wo bhi mil jaega jiskay aap khwaeshmand hain.ek do tariqay mainay blog pe likhay hi hain istkhara k.ek tareeqa aur main likh deta hun jo aapki nigahon se parda utha dega.

Rozana rat ko ba wuzu 3054 martba ye parhay….
یا علیمُ علمنی یا خبیرُ اخبرنی یا رشیدُ ارشدنی

Ya Aleemu Alimni Ya Khabeeru Akhbirni Ya Rashidu Arshidni

Aur jo maqsad ho wo zahan me dohratay huvay durood e pak parhtay parhtay so jaen.
Insha Allah khwab me aapko maloom ho jaega.kai bar khwab ek kahani ki tarha nazar aaega jo aapkay sawal ka  jawab hoga ya phir isharon me hoga.jispay kuch gaur o fikr karnay se samaj aajaega.

Agar koi eski zakwat ada karna chahay to taak dino me 85512 martba ya behtar hain ki 125000 martba parhlay.jitni tadad me rozana parh saktay ho wo parhliya karay.koi parhez nahi hain.jo bhi khwab aaen kisi se kahay nahi.bad e zakwat rozana 28 martba parhtay rahay takay faiz jary rahay.zawkat k bad sirf 280 martba parh kar maqsad ka taswoor karkay so jaen.insh Allah khwab me haal bata diya jaega.

Lekin upar jo istkhara bataya hain es ibarat ka usmay zaroori nahi hain ki zakwat k bad hi kiya jaen.

Zakwat k bad ap dusron k liye bhi istkhara karnay k kabil ho jaengay.aur asl bat ko na bhulay ki rozana istkhara ki aadat banaye.essay apko bahot faeda hoga aur aapko rohani duniya se kuch milaega.jissay aap hamesha es khadim Amil Samar Ali ko yad karaengay.
 *istkhara me shuru me jald jawab na bhi milay.aap jaisay jaisay kartay jaengay fauran yani pahli rat me hi milta jaega.

Ya Salamo ka Wazifa


Ek hi amal se ye do chizay nasib hogi insha Allah.murshid e pak ne ye tareeqa kai muridin ko bataya hain aur aaj ap sab se share karnay k liye bhi ijazat hain.jis ism e pak ka amal likh raha hun umooman log es ism e pak k asrat se waqif nahi na itni ahmiyat di jati hain.
Ye ism یا سلام hain jo ki aapnay image se kiyas laga liya hoga.Tarkeeb ek dam aasan di hui hain murshid e pak ne jo yun hain ki urooj mah me Kisi bhi saad din se ism e pak  
Ya salaamu ki zakwat ka aagaz karay aap chahay Kisi bhi nauchanday din se karay jaisay jumerat jumua ya itwar peer se ya phir aap enhi dino me urooj mah se shuru karay.
Aap din rat me ek waqt muqrrar kar k rozana ek goshay me baith kar bagair Kisi se bat kiye 3125 martba یا سلامُ ka wird karay awwal o aakhir 3—3 martba durood e pak parhay.
Amal ki muddat 120 din ki hain aur lagatar Kisi din nagay kiye bagair ye zakwat ada karay.120 din bad aap es ism e pak k amil hain.

koi parhez nahi.bas parhtay waqt munh se koi bu na aaen maslan kachi pyaz lahsoon ki tambaco bidi cigaratte ki bu na aaen esliye amal se pahlay munh saaf kar liya karay.bawuzu parhay aur koshih karay ki ziada waqt bazuwu raha karay.

Ab jagah ki pabandi lazmi nahi bas waqt muqrrar ki agar pabandi kar paaen to behtar hain warna wo bhi lazmi nahi jab bhi waqt fursat milay parh zaroor liya karay.
Parhez bhi kuch nahi hain.

Es liye aapkay liye kaafi aasan zawkat hain ye…!
120 din k bad rozana 131 martba parha karay.

Essay kya faeda hoga ek to aapkay rizq me behad barkat hogi aur agar bandish hain to dur hogi,daemi wird karnay se yani mudawmat se koi bandish nahi kar paega.na kabi tangdast rahaegay.eskay elawa saanp bichhu sher jaisay muzee janwaron se hifazat rahegi aur kabhi amil ko dank nahi maraega.aur kabhi itfaq se samna ho bhi jaega to amil ko dekh kar sar juka kar bhag jata hain.aur bhi behad fawaed hain jo zakwat ada karnay walay pe khulaengay.

Tangdasti Door Karne ka Wazifa

Bismi Allahi arrahmani arraheem
In the name of Allah, the most Gracious, the most Merciful

Mujay Rozana Aisay Mail Aur Msg Aatay Hain Jismay Log Apnay Masael Likh Kar Uska Rohani Hal Chahtay Hain.Har Ek Ki Mushkil Aur Uskay Masael Alag Hota Hain Aur Jab Main Un Tamami Mas'alay Ka Itr Nikalta Hun To #ZIADATAR Mujay Masael Paida Honay Ki Wajah 'Rupay  Ki Kami,Amdani Na Hona Ye Hi Milti Hain.Es Parayshani K Liye Huzur Nabi e Pak Sallallahu Alayhi w Aalehi w Sallam Ne Rohani  Tareeqay Ham Ummati Ko Bataya Hain.Jismay Sab Se Ziada AasanAur Qawee ul Asar Tareeqa Hain Huzur Nabi e Aalmiyaan  Sallahu Alayhi w Aalehi w Sallam PeDurood Sharif Parhtay Rahna.Aur Istagfar Kartay Rahna.




Umiid Hain Aap En Pay Amal Paira Ho Jaengay Aur Allah Ki Rahmat Aapko Dhundhti Hui Dher Saara Ina'am o Ikram Liye Aaegi.Namaz Ki Pabandi Karay Aur Sath Me Ek Aur Amal Bata Raha Hun Jisko Bhi Apnalay Insha Allah Rizq Ki Tangi Aapkay Aaspas Kabi Nahi Bhatkaygi.

Shart Ek Rahegi Ki Amal Kisi Pe Zahir Na Karay.Kisi Ko Ye Amal Bataye Bhi To Ye Na Bataye Ki Aap Bhi Amal Kar Rahay Hain.

Sab Se Pahlay To Aapko Namaz Ki Pabandi Karna Hain Aur Fajr Ki Namaz K Bad Ya Phir Tuloo Aftab K 20 Minits K Bad Surah e Yaseen Sharif Parhna Hain.Awwal o Aakhir 3-3 Martba Durood e Pak Parhay Aur Agar Durood Tunajjina Sharif Parhay To Behtar Hoga Warna Jo Bhi Aapko Yad Hain Wo Durood e Pak Parhlijye.

Ab Yaseen Parhna To Hain Lekin Meri Likhi Hui Tarkeeb Se Parhna Hain.

TARKEEB  Ye Hai.

Durood Sharif K Bad Bismillah Sharif Parh Kar Jab Aap Yaseen Parhna Shuru Karay Aur Lafz مبین Mubeen Pe Pahochay To Wo Lafz Parhnay K Bad...

Aapko 200 Martba  الوھابُ Al Wah-habo

Parhna Hain Aur Uskay Bad 44 Martba اللطیفُ Al Lateefo

Parhna Hain.Phir Yaseen Sharif Ko Aagay Parhna Shuru Karay Aur Dusra Mubeen Aaen Uspay Thahar Jaen Aur Jaisay Pahlay Dono Asma Parhay Thay Thik Waisay Hi Dono Asma Usi Tadad Me Parhay Yani Ki Al Wah-habo 200 Martba Aur Al Lateefo 44 Martba Aur Phir Aagay Yaseen SharifParhna Shuru Karay.

Yaseen Sharif Me Kul 7 Mubeen Hain.Aur Aapko Har Mubeen Pe Ye Dono Asma Likhi Tadad Me Parhna Hain.

Koi Parhez Nahi Hain.Aur Har Martba Jab Mubeen Pe Thehray Aur Asma Ka Wird Karay To Apnay Maqsad Ka Dil Me Taswoor Karay Aur Jab Yaseen Sharif Pura Parhlay To Aakhir Me Allah Ki Huzur Apnay Rizq Me Barkat Ata Karnay K Liye Farakhi Ata Karnay K Liye Dil Se Aur RoRo Kar Dua Karay.Rozana Fajr K Bad  Ya Tuloo Aftab k Baad Amal Karay Aur Phir Apna Jo Bhi Kam Kaj Hain Usmay Lag Jaen Insha Allah Dhiray Dhiray Aur Allah Chahay To Usi Roz Aapko Amal Ka Asar Nazar Aaega.Kam Se Kam 41 Din Zaroor Karay Aur Agar Zindgi Bhar Kisi K Aagay Hath Faylana Nahi Chahtay Hain To Esay Apnay Mamol Banalay Aur Rat Ko Isha Bad Ek Martba Surah e Waqiya Parh Liya Karay.

Shart Ek Hain Ki Kisi Se Amal Ka Tajorba Share Na karay.Ki Mainay Ye Amal Kiya Aur Mujay Ye Faeda Hasil Huva.

*Tadad Jo Parhnay Ki Likhi Hain Usmay Kami Beshi Na Ho Jaen Eska Khyal Rakhyega.aur Kisi Sabb Waqt Pe Na Parh Paen To Jo Bhi Waqt Milay Parhliya Karay Taki Amal Pura Kharab Na ho Aur Mehnat Ka Phal Milay.

Main Aapka Khadim Bhi Hun Bhai Bhi Hun Aur Mujay Meray Murshid Ki Ata Se Ye Amal Mila Hain.Aap Sab Ki Bhalayi K  Liye Post Ki Hain.Ummid Hain Aap Kabool Kar Apnay Masael Ka Hal Jo Ki Maali Tangi Aur Gurbat Hain Ussay Nijat Hasil Karaengay.Agar Faeda Hasil Ho To mMray Murshid Ki Sehat K Liye K Liye Dua Karyega. Muj Gunahgar K Liye Hath Utha Kar Dua Kardijyega Taki Aakhirat Me Ye Gunahgar Apnay Kartooto K Baaes Sharminda Na Ho.Aur Aap Sab Ki Duaon K Sabb Meri Bakhshih ho jaen..!

Nazar e Bad ka ilaj




Sab se pahlay samjlay ki nazr e bud misl e zahar hain.jisko Allah ta’al ne b’az insano ki aankhon me paida kar diya.jis tarah bichhu ka dank hain,aur sanp k munh me zahar de diya hain.esi tarha kuch insano ki ankhon me zaharili taseer paida kardi gayi hain.nazar sheesha to kya pattha ko tod deti hain.dariyaon k pani ko sukha deti hain.aur insan ko jab lag jati hain to kabristan me pahocha deti hain.nazar jab haray bharay baago ko lagti hain to darakhton ko sukha deti hain.aisa nahi ki nazar sirf insano ko laga karti hain,ye insan makaan dukaan,bag khet,karkhana,aamdani,paidavar,maal daulat,garz ki har chiz ko lag jati hain.

NAZAR E BAD KI ALAMATAY

Ye hain ki jab insan ko lagti hain to achanak bimar ho jata hain,badan me susti bhar jati hain,dimag kaam nahi kar pata,yaddast kamzor parh jati hain,badan me kamzori aajati hain,chid chidapan aajata hain,gumsun rahta hain,wo khud nahi samjpata k i usay kya huva hain.jab karobar me lagti hain to chalta huva karobar ruk jata hain aur din b din sell girti jati hain,aur dukan ya showroom band karnay ki naubat aajati hain.

agar janwar ko lagay to janwar dudh dena band kardeta hain,bimar ho jata hain,aur agar waqt pe elaj na kiya jaen to maut bhi ho jati han.

agar bacho ko lagti hain to bacha rota rahta hain,zid karta hain,na khelta hain na thik se sota hain aur na kahin chain se baithta hain.bukhar bhi aajta hain.Rupay/daulat ko nazar lagti hain to barkat khatm ho jati hain aur rupay ki tangi hoti hain,kharchay barh jatay hain,income kam ho jati hain,yahan tak ki sari bachat bhi khatm hojati hain aur insan qarz me mubtila ho jata hain.jaisay rupay aur uskay darmiyan ek dushmani si ho jati hain.

aisy kai alamatay hain.aur ye sahar jadu se milti julti alamatay hain.to kisi amil se rabta karnay se pahlay meri es post me diye qurani w ahadis ki duaon ka sahara le ke khud elaj karay aur dekhay ki fark ho raha hain ya nahi?agar 40 din kisi amal ko karay aur koi fark na ho to kisi achay amil se rabta kar saktay hain.bahot mumkin hain ki aap jisay sahar jadu ka mamla samj rahay hain wo nazar e bad ki tabahi ho.

sahar ki aur nazar ki alamatay ek si hain,esliye aap ko lagay ki shayid kisi ne jadu tona kiya hain aur aap ek musibat se dusri me gir jaen,kyu k amil aksar hazrat bagair fees to kaam nahi karaengay?

sahar aur nazar ki alamatay kuch miti julti kyu?esay main yahan samjanay ki koshish karta hun,

Nazar e bad lagana bhi ek amal sifly hain.aur ye baqaeda sikha jata hain,aur hamaray gaon me to ye aam hain gair muslim me jo ye sifli amal kartay hain.hamaray gaon me ek kaum hain,gair muslim jiska bacha bacha sifli ka mahir hain.agar parinday ko ek nazar dekhlay to wo zameen par gir parhta hain.agar kisi k ghoday ko ek nazar dekhlay to ek saat me wo mar jata hain.aur ye log apnay ek aur amal k liye bhi mash'oor hain ki wo ek post card me ibarat likh detay hain agar  usay koi bar bar parhaega to wo sakht bimar ho jata hain.aur agar koi kisi k jodo me ya sinay me hath me dard paida karna chahta hain to wo bhi kar detay hain.

enlogon se hi pata chala hain ki nazar e bad ka amal sikhnay k liye wo khas din se sub'ah apni potti ko ek neem ki sali se chakhtay hain,kuch din k es amal se usmay nazar e bad ki quwat e bad paida ho jati hain aur wo jisko dam bhar dekhlay to usay lag jati hain.
aur ye bhi mujay pata chala ki kuch insan me bhi ye nazar e bad ki quwat e bad apnay aap paida ho jati hain wo kyu?wo bichara to aisa koi amal nahi karta phir bhi uski nazar sab ko lag jati hain.jisay aam tor par nazar ka bhaari kaha jata hain.ye us sakhs ko hota hain jisay bachpan me pait me kidaay [kaddu danay] hotay hain.pait k kiido ki khurak bhi insan k aat me rahi potii hi hain aur jiskay pait me ek lambay waqt tak ye kiday rahtay hain to us insan ki nazar me bhi ye asrat e bud paida ho jata hain aur uski nazar bhari ho jati hain.aisay insan ko jab bhi koi chiz maloom ho to 


ماشاء اللہ ولا قوة الا باللہ 
kahna chahiye.essay nazar e bad ka asar zael ho jata hain.Nazar ka lagna haq hain aur 
Esliye Allah rabbul izzat ne nazar se hifazat k liye apnay habib sallallahu alayhi w sallam  k tufayl eska elaj bhi zahir farmaya hain.jaisay ki hazrat khwaja hasan basri radiallahu anhu ne irshad farmaya hain ki agar kisi shakhs ko apnay ya apnay maal wagaira ko nazar lagnay ka andesha ho to surah  e noon ki aakhri aayat 3 bar parh kar andesha wali chiz pe dam karay…wo aayat ye hain…

وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ 
وَمَا هُوَ إِلَّا ذِكْرٌ لِّلْعَالَمِينَ 

yakadu allazeena kafaroo layuzliqoonaka biabsarihim lamma samiAoo alzzikra wayaqooloona innahu lamajnoonun Wama huwa illa thikrun lilAAalameena


Aur koi chiz bahot acchi maloom ho chahay wo maal ho ya aulad ya makaan ya baag ya khait ya koi karobar ho baherkaif usi waqt…
ماشاء اللہ ولا قوة الا باللہ
masha Allah wala quwat ila billah. 

parh liya jaen.kyu ki eskay parhnay se Allah ta'ala nazar e bud ki asar ko zael kar deta hain,taseer ko rok deta hain.

aur agar kisi shakhs ko maloom ho jaen ki uski nazar bahot sakht hain to usay chahiye ki wo aisy kisi chiz ko nazar bhar dekhay hi nahi.aur kabhi dekh bhi layto usi waqt usko ye dua parhni chahiye...

اللهّم بارك عليه  
Allahumma barik alayh

hazrat shaikh abul qasim rahmatullah alayh ne Sirat me byaan kiya hain ki ek baar ek larhka sakht bimar huva ki marnay k kareeb ho gaya tha to ek roz mainay nabi e akram sallallahu alayhi w aalayhi w sallam ko khwab me dekha ki aap sallallahu alayhi w aalayhi w sallam  ne farma rahay hain ki Tu aayaat e shifa se abtak kyu gafil raha?[matlab en aayaat k zariye elaj kyu nahi kiya?]

AAYAAT AS-SHIFA YE HAIN....
وَيَشْفِ صُدُورَ قَوْمٍ مُّؤْمِنِينَ

wa yashfi sudoora qawmin mumineena
(at-Tawba, 9:14)


يَا أَيُّهَا النَّاسُ قَدْ جَاءتْكُم مَّوْعِظَةٌ مِّن رَّبِّكُمْ وَشِفَاء لِّمَا فِي الصُّدُورِ وَهُدًى وَرَحْمَةٌ لِّلْمُؤْمِنِينَ

Yaa ayyuha an-naasu qad ja’atkum maw`izhatun min rabbikum wa shifaun limaa fee as-sudoori wa hudan wa rahmatun lil-mumineen. (Yunus, 10:57)


َيخْرُجُ مِن بُطُونِهَا شَرَابٌ مُّخْتَلِفٌ أَلْوَانُهُ فِيهِ شِفَاء لِلنَّاسِ

yakhruju min butooniha sharaabun mukhtalifun alwaanuhu feehi shifaun lin-naas
 (an-Nahl, 16:69)

وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ

Wa nunazzilu mina al-qurani ma huwa shifaun wa rahmatun lil-mumineen(an-Najm, 17:82)

وَإِذَا مَرِضْتُ فَهُوَ يَشْفِينِ

Wa idha maridtu fahuwa yashfeeni
(ash-Shu`ara, 26:80)


قُلْ هُوَ لِلَّذِينَ آمَنُوا هُدًى وَشِفَاء

qul huwa lil-ladheena amanoo hudan wa shifaun
(al-Fussilat, 41:44)

*ES AYAAT SE ELAJ KA TAREEQA YE HAIN KI BISMILLAH W SURAH E FATEHA SHARIF PARH KAR 21 BAR YE AAYAT E SHIFA SHARIF PARHA JAEN AUR PANI PE DAM KARKAY NAZR E BUD K MARIZ KO PILAYA JAEN AUR SUB'AH SHAM 3-3 BAR AAYAT E SHIFA PARH KAR MARIZ PE DAM KIYA JAEN.11 DIN K AMAL SE ASAR ZAEL HO JAEGA.AUR EN BISMILLAH W SU.FATEHA SHARIF K SATH AAYAT SHIFA CHINI KI RAKAABI PE LIKH KAR 3 WAQT PANI SE DHO KAR PILAYI BHI JA SAKTI HAIN,ESSAY BHI 11 YA 21 DIN KAR SAKTAY HAIN.

*AUR YE AAYAT E SHIFA HAR MARZ CHAHAY CHOTA YA BARHA KOI BHI LA ELAJ MARZ KA ELAJ HAIN.UPAR LIKHI KISI BHI TARKEEB SE ELAJ KIYA JAEN,INSHALLAH HAR MARZ SE SHIFA HASIL HOGI.

BACHO KO NAZAR LAGNA:

Jo bachay sehatmand aur khubsoorat hotay hain wo aksar nazar e bud ka shikar hotay hain,aur aksar apnay gharwalon ki nazar lag jati hain.eska ek elaj to upar likh diya ki kisi bhi chiz ko ya aisay bachay ko dekh kar "masha Allah wala quwat ila billah." kahay.

chotay bachho ko nazar lag jaen to 3 bar su.kausar parh kar chehray pe dam kiya jaen.aisa 3 din tak karay,inshallah essay bhi asar zael ho jata hain.

MAKAN W DUKAN KO NAZAR SE BACHANA:

agar apnay makan par ya dukaan upar "MASHALLAH"khubsoorati se likhwaya jaen ki logon ki nazar uspay parhay to inshallah makaan w duakan buri nazar se mahfooz rahti hain.

KHUD KO YA KISI GHAR K FARD KO NAZAR LAGNA:

upar mainay tareeqa bataya hain ki kis tarha se nazar dur ki ja sakti hain.ek aur tareeqa nazar ko dur karnay ka ye hain ki ek sufaid kagaz pe khanay k zard rang se ek bar surah e fateha ek bar aaytul kursi aur aur 4ro Qul ek ek bar likh kar  usay mariz k galay me taweez me rakh kar pahnaye aur sub'ah w sham 3 din tak ye hi surah ya mariz pe dam ki jaen ya pani pe dam karkay pilaya jaen.

*esi tarha aap ye dhaga bhi bana kar estemal kar saktay hain wo yun ki kisi sabz dhagay pe ek girah de aur ek bar ye aayat par kar dam karay aur girah laga de..


وَإِن يَكَادُ الَّذِينَ كَفَرُوا لَيُزْلِقُونَكَ بِأَبْصَارِهِمْ لَمَّا سَمِعُوا الذِّكْرَ وَيَقُولُونَ إِنَّهُ لَمَجْنُونٌ 
su.Qalam, 51

esi tarha dhagay pe 11 girah de aur har girah pe ek bar dam karna hain.es dhagay ko aap mom jama karkay galay me pahnay ya apnay bachho ko ya aurat ko ya samaan me ya dukan me ya janwaron ko pahnaye inshallah nazar ka asar zael ho jaega.ye dhaga main khud dam karkay rakhta hun aur taqseem karta hun aur bahot hi mufeed hain.

HAMELA W BACHHO KO NAZAR E BAD SE MAHFOOZ RAKHNAY K LIYE:

En aayaat sharifa ko zafran w arq gulab se ya khanay k zard rang se en ayaat ko likh kar momjama karkay hamela k sidhay bazu pe bandh de to hamela w uskay shikam ka beta nazar e bad se mahfooz rakhta hain.bachay ki wiladat k bad esay bachay k galay me pahnaye to wo bhi har nazar k khatrat se mahfooz rahta hain.


wo aayat e sharifa ye hain...

إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ 
فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَى وَاللّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنثَى وَإِنِّي سَمَّيْتُهَا مَرْيَمَ وِإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا وَكَفَّلَهَا زَكَرِيَّا 
su.imran aayat 35/36

yahan mainay nazar e bad w ussay bachnay k aur nazar e bad k asar ko dur karnay k tareeqay bataye hain,jo ba aasaani aap kar saktay hain.ummid hain ki jo bhi mere bhai ya bahan es post se faeda uthaengay wo mere murshid aur mere liye dua karaengay aur main bhi dua karta hun ki Allah ta'ala apnay habib sallallahu alayhi w aalehi w sallam aapko aapkay ahl o ayaal ko karobar ko har buri nazar se bachaye aameen...!

Powered by 123ContactForm | Report abuse

Recent Comments

Labels

10 pillars of islam 40 Rabbana 5 basic beliefs of islam 5 beliefs of islam 5 laws of islam 6 Kalimahs Aafat se Hifazat Aafat se Hifazat ka Wazifa Aafat se Hifazat ke Dua ablution Ada e Qarz ka Wazifa Ahad Nama Ahad-Naamah amal nad-e-ali amliyat e nad e ali articles of faith As-salat Asnad Dua Buzrugwar Ayat al Shifa aytul kursi Bashair-al-Khairat basic principle of Islam benefits of Dalail Al-Khayrat Tesri Manzil benefits of bashir alkhairat benefits of Dalail al-Khayrat benefits of dua e masura benefits of durood benefits of durood akseer e azam benefits of durood-e-kabristan benefits of nade-ali benefits of surah al asr benefits of surah al bayyinah benefits of surah al humazah benefits of surah al qariah benefits of surah at takatur benefits of surah qadr benefits of surah waqiah benefits of Surah Yaseen benefits of surh yaseen Benefits of Tahajjud Prayer Biography of Prophet Muhammad black magic cure black magic treatment Budh ke din ke nafal cure for depression and anxiety cure of black magic cure of magic Dalail al-Khayrat Dalail Al-Khayrat Tesri Manzil Dalail Al-Khayrat 5 Manzil Dalail Al-Khayrat 6 Manzil Dalail Al-Khayrat 7 Manzil Dalail Al-Khayrat 8 Manzil Dalail Al-Khayrat eight Manzil Dalail Al-Khayrat Manzil 2 Dalail Al-Khayrat Manzil 4 Dalail Al-Khayrat Manzil Four Dalail Al-Khayrat Manzil Two Dalail al-Khayrat Manzil1 Dalail Al-Khayrat Panchwin Manzil Dalail al-Khayrat Pehli Manzil Dalail Al-Khayrat seven Manzil Dalail Al-Khayrat six manzil dalail alkhayrat Dua Dua -e-Isteaza Dua -e-Istejab Dua -e-Istekhara Dua -e-Shukeranhar dua Dalail al-Khayrat Dua for Entering Paradise Dua for Graveyard Dua for Namaz Qaza Umri dua for parents Dua for Protection dua for rizq in urdu dua for rizq money dua for rozi Dua for seeing Rasool Allah in Dream dua for success Dua Gulubund dua hakook waldain dua manzil dua masura Dua Muqaram dua nade ali dua nade ali in arabic Dua of Hazart Abdul Qadir Jilani (ra) dua rizq barkat Dua Shuker-e-Allah Dua Sunat-e-Asar dua sunat-e-asr Dua Syed-ul-istighfar Dua to Stop Anger Dua-e-Aman Dua-e-Hajat Dua-e-istiazah Dua-e-istihbab Dua-e-istikhara Dua-e-kanoot Dua-e-Mustajaab Dua-e-shukrin-nahar durood abdul qadir jilani durood akseer e azam Durood Ali Durood Barkat durood for gravyard Durood Friday durood kabristan Durood pak Durood Rehmat Durood Selection Durood Shareef Durood sharif Durood shfiaat durood tanjeena Durood-e-Ali Durood-e-Dawaami Durood-e-Fath Durood-e-ibrahimi durood-e-kabristan Durood-e-Nahariya Durood-e-Quraani Durood-e-Taaj Durood-e-Tanjeena EID-ul-Adha Eman Mufassil Eman Mujamal evil eye protection faith Fasting Feeling Eagerness for the Prayer hadith on rizq in urdu Hafta ke nafal haj Hajj Hazrat Abu Baker Sadiq Hazrat Umer hazrat umer farooq how to ablution Imam Ahmad Raza Khan Iman Mufassal Iman mujamal Iman Mujmal importance od durood shareef imranraja increase rizk Islam Islam and muslim Islam and Prayer islam ky arkan islamic wazifa for rizk islamic wazifa for rizk in urdu islamic wazifa for rizq Itwar ke din ke nafal Janat main Dakhil hone ke Dua Jinn Se Dosti Jinn se Dosti ka Amal Jinn se Dosti ka Tarika Jinn se Dosti ka Wazifa Jnnat ko Kabu Krna job ke liye wazifa Jumah ke nafal Jumyrat ke din ke nafal just business law KaIima-e-Tayyabah Kalima-e-Astaghfar kalima-e-e-shahaadat kalima-e-rud-ekuffr Kalima-e-Shahaadat Kalima-e-Tamjeed Kalima-e-Tauhid kalima-e-tayyabah kalima-e-tuhid kalimah in islam Karz Utarne ka Wazifa Karz Utarne ke Dua khalifa e awwal Laqab Sadiq ki haqeeqat learn Islam magic treatment Manzil dua maqbool duain masnon duain masnoon duain meaning of nade ali Merits of Islam Mungal ke din ke nafal nad e ali nad e ali english translation nad-e-ali translation in english Namaz namaz qaza namaz qaza umri namaz-e-janaza Nazar e Bad Nazar e Bad ka ilaj Nazar e Bad ka islami ilaj Nazar e Bad ka khatma Nazar e Bad ka Tor Nazar e Bad ke Dua Nazar e Bad se bachwo Night Prayer Pareshani Door Karne ka Wazifa Pilgrimage Pillars of Islam powerful dua for rizq powerful wazifa for rizq Prayer Praying with congregation in the Mosque Qarz ka Wazifa Qarz ki Adaigi ka Wazifa Qarz ki Adaigi ke Dua qaza qaza namazin qaza umri namaz ka tariqa quran quran rizq ki dua qurani wazifa for rizq Qurbani rabbana rabbana in qurani ramadan Rizq Main Bandish ka ilaj Rizq Main Bandish ka Todh Rizq Main Bandish ka Tor Roohani Quwwat ke Dua Roohani Quwwat ko Bedar Krna Roohani Taqat ka Wazifa roza Rules of Tahajjud Prayer Salaat al-Faatih Salaat al-Nooraniyyah Salat Salat in Islam Salat-ut-Tasbih seven mubeen of surah yaseen seven mubeen of surat yasin Shahadah shash kalma Somwar ke din ke nafal surah al kafirun Surah Fatiha surah fatihah surah ikhlas surah nas surah waqiah Surah Yaseen Surah Yaseen ka Amal Surah Yaseen ka Anmol Amal Surah Yaseen ka Wazaif surah yaseen with 7 mubeen surah yaseen with seven mubeen surah yasin surat waqiah Tahajjud Prayer Tangdasti Door Karne ka Wazifa Tangdasti Door Karne ke Dua tangdasti ka hal Tangdasti ka Wazifa tangdasti ki Dua the foundation of faith the importance of unity the pillars of islam The Prayer the religion of kindness the religion of wisdom toheed umer bin khittab Verses of Healing verses of quran verses of rabbana Ways of Treating Magic Wazaif for Beauty on Face Wazaif to Get Success in Exams Wazifa for face Beauty Wazifa for Get Success in Exams Wazifa for Sexual Ability Wazifa for Stop Anger Wazifa for Sugar Patient Wazifa for Tiredness what is Islam what is ramadan wudu wuzu ya rabbana Ya Salamo Ya Salamo ka Amal Ya Salamo ka Wazifa Zakat